Nëse për ne ditët e karantinës kanë qenë të mërzitshme sa më s’ka, për Loredanën koha e izolimit është përkthyer në punë.
Teksa ka qëndruar në shtëpi me të voglën e saj, Hanën, reperja është kujdesur ta shfrytëzojë kohën në maksimum dhe të përgatisë projekte të reja për fansat e saj.
Pasditen e sotme, Loredana surprizoi ndjekësit në Instagram me një lajmërim për këngën e re, një bashkëpunim me reperin me famë ndërkombëtare, Capital Bra.
https://www.instagram.com/p/B_kobu7FP9_/
Ky lajm është pritur mjaft mirë nga ndjekësit dhe me aq sa kanë treguar deri tani, kënga duket super tërheqëse.
Nuk e dimë domethënien, por Loredana është fiksuar t’i publikojë këngët e saj të reja fiks një minutë para mesnate.
Pra, bashkëpunimi i ri i titulluar “Nicht verdient” (Jo e merituar) do të lançohet mbrëmjen e sotme në orën 23:59, ndaj rrini gati për “bombën” e radhës!
