Miley Cyrus dhe Dua Lipa kanë një marrëdhënie të ngushtë me njëra-tjetrën dhe këtë e treguan pasi Miley pranoi ftesën për të ardhur në koncertin që këngëtarja me origjinë shqiptare organizon.
Pas kësaj të gjithëve në kokë na lindi një dëshirë e madhe që dy këngëtaret e njohura të bashkëpunonin, megjithatë përgjigjen e morëm ditën e sotme në konferencën e Dua Lipës.
Një gazetare e ka pyetur nëse do të ketë një bashkëpunim të mundshëm mes vajzave dhe Dua la të kuptohet se diçka e përbashkët do të vijë.
“Ka gjasa që unë e Miley Cyrus do të bëjmë diçka së bashku”, tha Dua Lipa, në konferencën në të cilën shumicën e kohës foli në gjuhen shqipe,
Miley Cyrus do të jetë e ftuara speciale e mbrëmjes së sotme ku do të performojë para publikut shqiptar në Prishtinë.
Ajo është një ndër këngëtaret më të suksesshme të muzikës në të gjithë botën dhe pjesëmarrja e saj në “Sunny Hill” është një publicitet mjaft i mirë për Kosovën.
