Tërmeti i fuqishëm që goditi Shqipërinë më 26 nëntor ka shkaktuar panik tek banorët e kryeqytetit, shumë prej të cilëve kanë braktisur shtëpitë e tyre dhe iu janë drejtuar miqve dhe të afërmve nëpër rrethe.
Inspektoriati Kombëtar i Mbrojtjes së Territorit dhe ekspertët e ndërtimit, kanë inspektuar të gjitha zonat e prekura nga tërmeti, dhe tashmë është nxjerrë edhe një bilanc paraprak i banesave dhe godinave që përbëjnë rrezik shembjeje në rast tërmeti.
Në qarkun e Tiranës, 350 banesa dhe 2 pallate janë shpallur të pabanueshme.
Ndërkohë të shumtë janë ata që kanë zgjedhur të qëndrojnë në çadra pasi kanë frikë se situata do të përkeqësohet.
