Bebe Rexha pas shkëlqimit në ndarjen e çmimeve “Grammy 2018” është përballur me një ngjarje të frikshme.
Këngëtarja shqiptare ka rrëfyer nëpërmjet një postimi në “Instastory” momentin e frikshëm që ka përjetuar në aeroport, ku thuajse është përplasur enkas nga një taksist.
“Thuajse u përplasa nga një taksi sot në aeroport, teksa po kaloja rrugën e këmbësorëve. Po shikoja që të sigurohesha që nuk po vinin makina të tjera drejt meje dhe ai u bë i paduruar dhe erdhi vetëm një hap larg meje me qëllim.
Kështu, mora çantën time të rënde YSL dhe e godita makinën e tij. Isha kaq e trembur dhe e inatosur, por duhet të bëjë kujdes me nervat”, shkruhet në “Instastory”-n e publikuar nga Bebe Rexha.
