Këngëtarja Bebe Rexha ka zbuluar se disa persona të paautorizuar po përdorin imazhin e saj për reklama në faqet e filmave për të rritur.
Në postimin e një fansi, të marrë nga faqja pornografike shihet fotoja origjinale e Bebes dhe një tjetër e bërë me ‘photoshop’ ku reklamohet një program dobësimi.
“Ata po të përdorin ty në reklama”- kishte shkruar një person në Twitter, i cili tregoi se këtë reklamë e gjeti në një faqe pornografike.
“Kjo më bëri lëmsh”, shkroi Bebe sapo pa postimin nga fansi, të cilin më pas e rishpërndau për ndjekësit e saj.
Kujtojmë se një ditë më parë Bebe foli publikisht për peshën e saj, duke treguar se e pranon veten siç është.
Po ashtu, Bebe po përgatitet që më 28 prill të publikojë albumin e saj më të ri, njëherësh të tretin në karrierën e saj të titulluar “Bebe”.
