Bes Kallaku ka ndarë sot disa pamje të një banese që po shembej për t’u rindërtuar sërish pas tërmetit të frikshëm të 26 nëntorit.
Ashtu siç premtoi pas vizitës së këngëtares fundvitin e kaluar, shtëpia e familjes së Musait do të financohet nga Besi dhe Bebe, të cilët ishin personalisht në vendgjarje pas tërmetit.
Ndërkohë sot, Besi ka qenë në vendngjarje ku ka ndjekur punimet. Aktori i njohur i humorit falenderon Bebe Rexhën dhe shprehet i lumtur që më në fund do të ngrihen themelet e shtëpisë së familjes në Bubq!
“Ka nisur ndertimi i shtepise se Musait. U shemb nje shpi e lare me lot e dhimbje prej fatkeqsive dhe me bekimin e Zotit po ngrihen themelet e reja mbi guret e buzqeshjes edhe gezimit te zemres! Flm @beberexha bekuar qofsh!”, shkruan Besi.
Në dhjetor 2019, Bebe anuloi të gjitha koncertet e saj muzikore dhe angazhimet e tjera vetëm që të vinte në Shqipëri për të dhënë ndihmën e saj.
Këngëtarja me origjinë shqiptare ka deklaruar se në venat e saj rrjedh gjak shqiptar dhe se nuk do të harrojë kurrë nga vjen, ndërsa ka theksuar se do të kontribuojë në ndërtimin e dy banesave të shkatërruara nga tërmeti, asaj në Bubq dhe një tjetre në Bizë.
https://www.instagram.com/p/CA2pPYmnkR8/
