Një grua ka vendosur të ndajë publikisht në rrjetet sociale eksperiencën e saj seksuale, ku ka treguar disa nga arsyet se përse pas një lidhjeje të gjatë vendosi të mos kryejë më marrëdhënie seksuale.
Kur lidhja e fundit prej 12 muajsh e Claire përfundoi, ajo vendosi të bënte një pauz nga intimiteti, duke pranuar se kishte kaluar shumë kohë në të kaluarën duke përdorur seksin për t’i mbajtur burrat të lumtur.
“Më duhej ai pushim për të kuptuar se, e dini, seksi nuk është dashuri” , tha për “The Post” nëna e dy fëmijëve, e cila ishte martuar nga viti 2013 deri në vitin 2016. “Nuk është vetëm për të kënaqur një mashkull – ju duhet të jeni në gjendje të kënaqni edhe veten.”
Claire, e cila tani është 40 vjeç tha se nuk ka pasur marrëdhënie seksuale që nga përfundimi i lidhjes së saj të fundit. Ajo e përshkroi pushimin si “çlirimtar” dhe tha se i ka dhënë kohë për të punuar me veten dhe për të qenë aty për vajzën e saj 19-vjeçare dhe djalin 13-vjeçar.
“Nuk më mungon [seksi], për të qenë e sinqertë,” tha ajo, megjithëse pranoi se nuk do ta kishte problem të ishte intime në mënyra të tjera si përqafimi.
