Studentët në Kolegjin Otis të Artit dhe Dizajnit në Los Anxhelos morën një dhuratë bujare diplomimi nga bashkëthemeluesi i “Snapchat” Evan Spiegel dhe gruaja e tij, modelja Miranda Kerr.
“Shkolla mori një “donacion domethënës” nga çifti që “do të mundësojë shlyerjen e borxhit të papaguar studentor të studentëve në klasën e diplomuar të vitit 2022”, tha Otis në një deklaratë.
Dhurimi, i bërë përmes Fondit të Familjes Spiegel, është donacioni më i madh në historinë e shkollës.
“Kolegji i Artit dhe Dizajnit “Otis” është një institucion i jashtëzakonshëm që inkurajon krijuesit e rinj të gjejnë zërat e tyre artistikë dhe të lulëzojnë në një sërë industrish dhe karriera,” thanë në deklaratë Spiegel, 31 vjeç dhe Kerr, 39 vjeç.
“Është një privilegj për familjen tonë të kthejë dhe të mbështesë klasën e 2022. Ne shpresojmë se kjo dhuratë do t’i fuqizojë të diplomuarit të ndjekin pasionet e tyre, të kontribuojnë në botë dhe të frymëzojnë njerëzimin për vitet në vijim,” vazhduan ata.
Kerr, CEO e markës së bukurisë “KORA Organics”, dhe Spiegel morën të dy grada nderi nga shkolla gjatë ceremonisë. Spiegel ka qenë pjesë e Otis ndërsa ishte në shkollë të mesme dhe më vonë u diplomua nga Universiteti Stanford.
“Otis është jashtëzakonisht mirënjohës për këtë dhuratë historike nga Miranda Kerr dhe Evan Spiegel, e cila do të ndryshojë jetën për klasën e vitit 2022 dhe familjet e tyre,” tha Charles Hirschhorn, President i Kolegjit Otis.
Sipas “Los Angeles Times”, rreth 285 studentë u diplomuan nga Otis këtë vit.
