Më 2 shtator shkrimtari dhe politikani i njohur shqiptar, Teodor Keko, do të festonte 60-vjetorin e tij. Tani 16 vite pas vdekjes së tij nga një sëmundje e rëndë në stomak, bashkëshortjaXhulieta dha një intervistë për gazetën “Panorama”, ku tregon amanetin e të ndjerit.
Në kohën kur Keko ndërroi jetë Xhulieta ishte vetëm 42 vjeçe dhe kishte dy djem për të rritur, Martinin dhe Elion. Pas vdekjes së tij ata vendosën që të zhvendoseshin në Holandë, ku edhe jetojnë. Xhulieta kujton amanetin që Teodori i la djalit të tij të vogël, Elios, para vdekjes:
“Përpiqu të shkosh edhe ti në Holandë, te Martini, sepse mami është e re dhe duhet të martohet”.
Në shkrim thuhet se, bashkëshortja e shkrimtarit dhe politikanit e mendoi si alterantivë, por “burri që do të vinte duhet t’i ngjante Dorit dhe babait të saj”. Nuk gjeti asnjë që t’i afrohej.
Dashuria e tyre lindi ndërsa ishin studentë për Gjuhë-Letërsi dhe u takuan pas një bisede të shkurtër në telefon, më pas pati puthje dhe shumë romancë.
Xhulieta Keko tregon se atë kohë shkëmbente shumë letra me bashkëshortin, për të cilat ka qenë gjithmonë në dilemë nëse duhet apo jo t’i publikojë:
“Janë gjërat e miat, të të dyve, që na përkasin vetëm ne, nuk e kam të lehtë t’i ndaj me të tjerët, megjithatë, bashkë me letrat që unë i kam shkruar atij në gjithë këto vite mungese të gjatë, shpresoj që së shpejti t’i botoj”.
Burimi: Panorama
