Aktori i njohur turk Tolgahan Sayisman është në kulmin e karrierës së tij dhe nuk ndalet duke punuar për projekte të reja.
Ndryshe nga Almeda, pas ardhjes në jetë të Efehan, aktori është duke punuar fuqishëm dhe së fundmi po përgatitet për një film të ri.
Xhirimet kanë nisur dhe aktorit i duhet të kalojë një pjesë të madhe të kohës larg familjes së tij. Por për të mos e ndjerë shumë mungesën ai ka vendosur që të birin ta bëjë pjesë të sheshxhirimeve dhe ka publikuar edhe një foto në Instagram. Ai shfaqet me Efehan teksa e mban në krah.
Bashkangjitur fotos aktori ka shkruar: “Kampioni i vogël Efehan. Ne jemi kampionët miqtë e mi dhe do të vazhdojmë të luftojmë deri në fund”.
Aktori i njohur ka rol kryesor në film turk “Kampion” dhe të gjithë po presin me padurim ta shohin të shfaqet në ekran.
“Sampiyon” ka në qendër historinë e një boksieri, i cili pas një incidenti heq dorë nga pasioni dhe pas shumë vitesh kthehet sërish në ring për shkak të djalit të tij.
