Më në fund erdhi koha që këngëtaren Dua Lipa ta dëgjojmë në një tjetër rrymë muzikore, përpos muzikës pop.
Pas nxjerrjes në treg të hiteve si ‘New Rules’, ‘IDGAF’ apo ‘One Kiss’, 22-vjeçarja po vjen në një bashkëpunim me legjendën e muzikës italiane, Andrea Bocelli.
Dy këngëtarët do vijnë me një baladë të titulluar ‘If Only’, e cila do të jetë pjesë e albumit të Bocellit, ‘Si’.
Lajmi është konfirmuar nga këngëtari italian në faqen e tij Facebook. Ai ka publikuar disa momente nga regjistrimi i kësaj kënge të përcjellë nga kamerat e BBC.
Në video shfaqet këngëtarja shqiptare duke kënduar live, dhe mjaftuan këto pak sekonda për të kuptuar se Dua do të shkëlqejë edhe në këtë drejtim falë vokalit të fuqishëm që zotëron.
