Stresi po punon prej kohësh për albumin e tij “Archimed”, të cilin fansat mezi po e presin.
Siç reperi është shprehur vetë, ky album do t’i mësojë të gjithëve sesi bëhet rep dhe padyshim do të jetë i suksesshëm.
Në “Archimed” s’do të ketë këngë solo, ndërsa bashkëpunimet e Stresit po zbulohen një nga një çdo ditë.
Ditën e djeshme reperi zbuloi për fansat bashkëpunimin e shumëpritur me Çartanin (kliko), ndërsa sot është mësuar një tjetër emër.
Ka qenë reperi Gent ai që ka zbuluar në Instagram se po sjell një këngë me Stresin, pasi i është përgjigjur pyetjeve të ndjekësve.
“A ka ndonjë bashkëpunim me Stresin?”- është pyetje të cilës Gent iu përgjigj duke etiketuar Stresin dhe duke shkruar krahas tij “Së shpejti”.
Ende nuk kemi asnjë detaj lidhur me titullin apo datën e publikimit, mirëpo vlen të themi se kësaj here Stresi po na sjell një surprizë të madhe!
