DJ PM dhe Sarah Berisha kanë qenë së fundmi të ftuar në “Zemër Luana”. Gjatë një sfide, PM ka folur për bashkëpunimet që ka bërë me Fifin, Ermal Fejzullahun dhe S4MM.
Jo vetëm kaq por atij i duhej të rendiste këngët nga më e mira tek ajo më pak e mira.
Si i renditi PM këngët?
Ai vendosi të parin këngën me Ermal Fejzullahun si më të mirin. Në vend të dytë vendosi këngën me Fifin, duke shtuar se është këngë shumë e mirë dhe ka marrë shumë klikime në “Youtube”, mirëpo kënga ishte e Fifit dhe PM tha se ishte i ftuar në atë projekt muzikor.
Ndërkohë, në vend të tretë mbetet kënga me S4MM.
Blogerja Sarah Berisha ka realizuar më herët me ndjekësit e saj një bisedë virtuale pak më ndryshe nga të tjerat. Kësaj here në ‘Instagramin’ e Sarës, pyetjeve iu përgjigj partneri i saj Dj Pm.
PM, i cili nisi një romancë me blogeren brenda “Big Brother Vip”, ka folur si rrallë herë për partneren e tij dhe planet për të ardhmen. Mes të tjerash një ndjekës pyeti çiftin se kur kanë në plan të martohen ose të bëjnë një fëmijë së bashku.
Dj PM tha në përgjigjen e tij se martesa nuk është në planet e afërta të tij dhe Sarah, ndërsa shtoi se ende nuk e kanë menduar si gjë.
“Nuk e di, kur të vijë koha. Për momentin nuk është se e kemi bërë plan kështu që kur të vijë koha. Besoj që disa gjëra bëhen me kohën. Disa gjëra vërehen vetë. Por nuk e kemi menduar këtë pjesë, përkundrazi shumë shpesh tallemi me njëri-tjetrin “do të mbesim pa martuar”- u shpreh ai.
