Seldi Qalliu dhe partnerja e tij Sindi u përfolën për një ndarje disa ditë më parë, për shkak se kishin fshirë nga rrjetet sociale çdo foto që kishin me njëri-tjetrin. Për me tepër ata nuk ndiqeshin më, por më pas rezultoi se e gjithë kjo kishte ardhur si pasojë e një debati të vogël që kishin pasur me njëri-tjetrin. Përmes disa videove, Sindi tha se i gjithi ishte gabim i saj dhe se nuk e mendonte që një veprim do të kishte aq shumë impakt.
“E gjithë kjo ishte gabim i imi. Pas një konflikti me Seldin, plus javën me provime dhe punën që kisha shumë të ngarkuar, plus në këtë kohë që ne jetojmë sot në pandemi, asgjë nuk është e thjeshtë… u tregova shumë impulsive. Nuk e dija që e gjithë kjo do kishte impakt kaq të madh, por unë me Seldin nuk jemi ndarë. Desha të shtoja që në fund të ditës njerëz jemi dhe njerëz ngelemi, nuk i kontrollojmë dot emocionet ose ndjenjat ndonjëherë”, u shpreh Sindi. (Kliko)
Ndërkohë së fundmi ajo ka treguar se gjithçka është njësoj si më parë me Seldin dhe se vazhdojnë të kenë po të njëjtën dashuri për njëri-tjetrin. Ajo ka postuar në Instagram një video në të cilën shfaqet duke u përqafuar me këngëtarin nën një pemë Krishtlindjesh dhe duke luajtur me të. Në këtë mënyrë Sindi vërtetoi sërish se mes saj dhe Seldit nuk ka asnjë lloj problemi dhe për ndarje as që mund të flitet.
Kujtojmë se dyshja e bënë lidhjen e tyre publike në muajin shtator, kur Seldi uroi Sindin me rastin e ditëlindjes.
