Protesta e opozitës ka degraduar në dhunë, flakë, gaz lotësjellës e bomba molotov drejtuar parlamentit. Shumë prej protestuesve janë lënduar, ndërkohë që në rrugë ka forca të shtuara të FNSH-së.
Aktualisht protestuesit me në krye opozitarin Basha janë zhvendosur tek “Drejtoria e Policisë”, pas arrestimit të sekretarit organizativ të PD-së Sait Dollapi. Turma kërkon me thirrjet “Rama ik”, lirimin e mënjëhershëm të tij.
Në ambientet e Drejtorisë ka forca të shtuara policie, ndërkohë që protesta e opozitës po vazhdon të jetë e tensionuar prej mëse 4 orësh.
Autoboti i policisë po përdor ujin në drejtim të protestueve, për t’i larguar ata.
