Është zbardhur tashmë vdekja e mistershme e shqiptarit Bardhyl Tusha në Greqi.
33-vjeçari vdiq më 28 janar të këtij viti në burgun e Koridhalos nga ku u raportua se kishte marrë mbidozë.
Por bazuar te raporti i mjekësisë ligjore dhe hetimet, ka rezultuar se shqiptari nuk ndërroi jetë si pasojë e mbidozës, por u mbyt.
“CNN.gr” ka nxjerrë një foto ku duken shenjat e dhunës së ushtruar ndaj shqiptarit.
Sipas “Report.tv”, në raportin e mjekut ligjor, theksohet se shqiptarit i është zënë goja dhe hunda dhe më pas është mbytur.
Bardhyl Tusha po vuante dënimin për trafik droge në burgun më famëkeq të Koridhalos ku kanë humbur jetën disa shqiptarë si pasojë e përplasjeve mes bandave dhe asaj që quhet “Mafia e burgjeve”.
/Report.tv
