Nuk kishte si të ndodhte ndryshe “Barbie” nga “Warner Bros”, ka thyer një tjetër rekord dhe këtë herë bëhet fjalë për arkën e fitimeve.
Filmi prodhim i këtij viti, ka kaluar filmin “The Avengers” të Marvel, për t’u bërë i 11-të me fitimet më të larta të të gjitha kohërave.
“Barbie”, filmi që ka marrë vëmendjen në të gjithë Evropën me aktoren Margot Robbie në rol kryesor, javën e kaluar fitoi 3.9 milionë dollarë (3.6 milionë euro) të tjera, shkruan DailyMail.
Kjo shifër e çoi totalin e fitimeve të filmit në 626.1 milionë dollarë (587 milionë euro), duke e kaluar atë “The Avengers” të Marvel (623.3 milionë dollarë) për të pretenduar pozitën e 11-të në listën e filmave me fitimet më të larta në histori.
Barbie” është aktualisht në fundjavën e tetë të publikimit, dhe ndërsa hiti është brenda intervalit për t’u renditur në top 10-she, është e paqartë nëse do të ketë qëndrueshmërinë në arkën e fitimeve për të vazhduar ngjitjen.
Discussion about this post