Banori i Big Brother VIP Kosova 2, Gani Gërmia ka kërkuar të lërë përfundimisht garën në shtëpinë më të famshme. Ai kërkoi të largohej nga loja, pasi në nisje të spektaklit të sotëm u shfaq një video me momente nga debatet e javës së kaluar, për të cilat Ganiu tha se është i zhgënjyer. Sipas tij pamjet ishin përzgjedhur nga produksioni, ndërsa theksoi se njësoj kanë vepruar në shumë situata edhe banorë të tjerë.
“Të paktën për hirë që kam qenë banor i kësaj shtëpie, respektoni vendimin tim. Sa i përket këtij vendimi, ka përfunduar gjithçka. Faleminderit publikut që më ka përkrahur. Jam shumë i zhgënjyer prej kësaj”, i tha Gania-Jonidës.
“Secili nga nesh ka bërë ndryshime, ka bërë luhatje të tilla. Jam shumë i zhgënjyer. Jam falënderues për gjithçka që keni bërë, sidomos te pjesa e publikut”.
