Ismail Morina alias Ballist Morina, i cili u bë i njohur për gjithë shqiptarët në vitin 2014-të, pas gjestit madhështor në Beograd, ku ngriti dronin me flamurin e Shqipërisë së madhe, ka bërë një tjetër gjest fisnik.
Bluzën që i dhuroi futbollisti kuqezi, Jasir Asani më 12 Tetor, pas asaj fitoreje historike me Republikën Çeke në “Air Albania, ku futbollisti nga Kumanova shënoi një supergol, ia ka dhuruar familjes së Dëshmorit të Kombit.
Ka qenë vetë Morina i cili ka publikuar në rrjetet sociale një foto, ku shihet teksa i ka dhuruar bluzën e Asanit “Dëshmorit të Kombit”, Afrim Bunjaku, i cili mbeti i vrarë një muaj më parë pas sulmit terrorist të serbe në veri të Kosovës.
View this post on Instagram
Kombëtarja shqiptare e futbollit fitoi 3-0 kundër Çekisë në “Air Albania”, për grupin E të Euro 2024. Në stadiumin e tejmbushur të Tiranës vendosi goli i Jasir Asanit në minutën e 10-të dhe dopieta e Taulant Seferit në minutat 51 dhe 73. Me këtë sukses djemtë e Sylvinhos ngjiten me 13 pikë në krye të grupit dhe janë me një këmbë në fazën finale të “Gjermani 2024”.
