Erion Veliaj ka ndarë për herë të parë një “hall” të tijin si baba i ri.
Kreu i Bashkisë së Tiranës ka qenë i pranishëm në shkollën komunitare për të ndjekur nga afër një seancë të Taekwondo. Aty ai ka marrë një dhuratë vërtet speciale për djalin e tij të vogël.
Një bluzë Taekwondo-je me ermin Kajan në të. Megjithatë duket sikur kjo dhuratë e ka “trembur” disi kreun e bashkisë, i cili tashmë e ka një hall të madh me të birin, atë që ka çdo prind:
“Ore po unë mezi e vë të flejë, dhe Taekwondo-ja i duhet këtij birit tim dhe nuk ka më gjumë gjithë mëhalla”, shkruan Veliaj në Instagram ku shihet duke pozuar me bluzën.
Kryetari i Bashkisë së Tiranës Erion Veliaj dhe bashkëshortja e tij Ajola Xoxa u bekuan me një vogëlush në fillim të muajit tetor.
Ata nuk e kanë fshehur në publik entuziazmin e të qenit prindër për herë të parë, ndërsa vazhdimisht bëjnë deklarata emocionuese në media e në rrjetet sociale, por duke ruajtur privatësinë e Kajan.
