Pas mesnate, Ministria e Shëndetësisë bëri të ditur në një njoftim zyrtar se janë konfirmuar dy rastet e para me koronavirus në Shqipëri.
Bëhet fjalë për babë e bir, 54 dhe 28 vjeç, të cilët kishin udhëtuar nga Firenze në Tiranë.
Në njoftimin e Ministrisë së Shëndetësisë u bë e ditur se gjendja e tyre është e stabilizuar dhe nuk paraqiten komplikacione.
Sipas “Balkanweb”, personat e prekur kishin udhëtuar në rrugë tokësore me makinën e tyre personale, nëpërmjet pikës së Hanit të Hotit.
Pasi janë shfaqur komplikacionet e para, ata kanë lajmëruar menjëherë urgjencën kombëtare, duke iu nështruar testeve që kanë rezultuar pozitive.
Babë e bir po qëndrojnë tashmë në spitalin Infektiv në QSUT.
Ministria e Shëndetësisë bëri me dije se po ndiqet protokolli klinik dhe epidemiologjik për të dy pacientët.
