Aktori i njohur i ‘Portokalli’, Ledio Lako ka bërë një deklaratë prekëse ditën e sotme për babain e tij.
Teksa ishte i ftuar në “S’e luan Topi”, aktori,m ka treguar momentet e vështira që ka kaluar me babain e tij gjatë periudhës së COVID-19. Ai u shpreh se për shkak të virusit, i ati u bë shumë keq me shëndetin, aq sa rrezikonte edhe jetën. Ledio zbuloi se i bëri një telefonatë gjatë kohës kur ishte në spital, duke iu lutur që të mos ndahej nga jeta.
“Me thënë të drejtën mendova se e humba. Mjekët më thanë që ‘është në dorë të Zotit’. Unë e çova me urgjencë në spital dhe atë ditë kisha shfaqje dhe i bëra një video i thashë “ të dua gjallë”.
Më tha vetëm “do mundohem”.
Ato ishin ditët më të vështira të jetës, dhe më vjen çudi me ata njerëzit që thoshin“ça Covid more”.
I thashë mos vdis, mos na lërë, unë do vazhdojë zanatin.
Ik pa merak se do ia dalë, më tha.”- tha Ledio Lako.
Aktori tregoi se tashmë i ati është në gjendje të mirë shëndetësore.
