Babai i 3-vjeçarit të dhunuar nga edukatorja në një kopsht në Tiranë, Lorenc Rapa ka dhënë një intervistë ekskluzive për emisionin “Opinion”. Gjatë rrëfimit të tij, ai ka treguar se në momentin që i biri i ka treguar se është dhunuar nga edukatorja, ai ka parë kamerat e kopshtit. Ajo që tregon Rapa është një këmbanë alarmi pasi thotë se për 1 orë vëzhgimi në kamerat e këtij kopshti, ka shikuar 3 raste dhune nga edukatorja mbi fëmijët.
Lorenc Rapa: E çova tek ky kopshti për të qenë më të sigurtë. Kemi folur me drejtoreshën e kopshtit, i kemi thënë që “djalin e kemi pikën e dobët, të angazhohet me fëmijët, të kalojë një pjesë kohë vetëm të mos keqtrajtohet” sepse kisha ngelur i traumatizuar nga rasti i parë. Vazhdon nga muaji Shtator deri më 20 Janar, kur Rudina Gerdani e dhunon Priamin. Ai ka tregoi vetë në darkë duke na thënë “më kapi Rudi tek dora”. I shkruaj drejtoreshës, e marr në telefon, nuk u përgjigj. Më shkruan mesazh dhe i thashë që “shpresoj të mos jetë e vërtetë situata që po më thotë Priami”.
Shkuam në kafe për të parë kamerat, shikova vetëm një pjesë tek një video që e tërheq për krahu dhe po i lante duart në lavaman. Lëmë orarin në 4 pasdite për të parë pamjet filmike të datës 20 Janar. Në moment që shoh kamerat, shoh një fëmijë tjetër që po e dhunonte edukatorja, është shoku i Priamit. Për 1 orë në kamera ka pasur 3 raste dhune, i kam parë me sytë e mi. Kam shkarkuar videot e Priamit që më interesonin dhe videon e fëmijës tjetër. Videon e asaj gocës nuk mund ta shkarkoja sepse është dhe një gocë që është dhunuar.
I kam parë kamerat me pronarin e kopshtit. I them “çfarë është ky rast?” Më tha “nuk është fëmija yt”. U thashë që ky është kallëzimi i parë që do të bëj në Polici për ty. Kam vajtur direkt në Polici direkt për të bërë kallëzimin, kam shkuar me pamje filmike. I kam printuar mesazhet dhe nga data 22 e deri më sot nuk është bërë arrestimi i edukatores. Është zhdukur dhe nuk e dimë se ku është. Jam kërcënuar nga burri dhe vëllai i vet. Këta kërcënime i kam patur ditët e para. Unë kam ikur çdo ditë në Komisariat dhe çdo ditë do të shkoj. Djali tani është mirë. Nesër kam konsultë me një psikologe. Ecuria e Priamit është më mirë. E kam lënë punën prej datës 20 derisa kjo ngjarje të zbardhet. Kur të zbardhet ngjarja, do të vazhdoj jetën time normale me familjen time.
/Opinion.al
