Sherri mes reperit nga Shqipëria Rigels Rajku, i njohur si Noizy dhe atij nga Kosova Ylber Abdullahu, i njohur si Cozman, duket se është mbyllur dhe nuk do të ketë hakmarrje.
Në përleshjen e armatosur, u përfshinë miq të Noizy-t, por edhe të Cozman. Albert Krasniqi, vazhdon të jetë në burg për shkak të përfshirjes në këtë ngjarje. Ai ishte në krahun e reperit kosovar dhe u fut në këtë mes pa asnjë interes, thjesht duke dashur të mbrojë Cozman.
Ata që u ndjen më keq nga ky sherr, pa dyshim që janë prindërit, që megjithatë edhe në këtë rast gjetën forcë e kurajë për t’i qetësuar gjakrat dhe për të bërë paqe.
“Kosovarja” mëson se sot në Kukës janë takuar bashkërisht familjarët e Albert Krasniqit dhe ata të Noizyt për ta shtrirë dorën e pajtimit, pa asnjë lloj kushti.
Ky veprim burrëror nga Skënderi, babai i Albertit dhe Bashkimi, babai i Noizy-t, ndal dhe thashethemet e spekulimet e përditshme që po bëhen nëpër mediat online.
