Ish-kryeplaku i fshatit Vloçisht në Maliq, Florant Demirllari ka folur për ngacmimin seksual të një 37-vjeçari ndaj vajzës së tij, ngjarje kjo që tronditi opinionin publik.
Në një intervistë të dhënë për Abc News ai është shprehur se ka qenë në dijeni të problemeve që ai kishte me bashkëshorten dhe shpesh herë ndaheshin dhe bashkoheshin.
Sipas tij, 37-vjeçari kishte marrëdhënie të mira me vajzën pasi shpesh kërkonte që dhe ajo të jetonte me të.
Ish-kryeplaku thekson se Rodolfi shprehej se shiste dhe gjakun për të mbajtur familjen por nëse e ka bërë një gjë të tillë, të varet në litar.
“Rodolfi jetonte në kushte të vështira ekonomike njihej si i rregullt për këto probleme. Na ka shokuar kjo ngjarje, nuk e di te ketë arritur deri aty, sepse s’ka qënë i tillë. Ai ka patur probleme me bashkëshorten dhe shpesh herë ndaheshin dhe bashkoheshin, punonte sa kishte mundësi si elektricist dhe jashtë shtetit. Ai kërkonte që vajza të jetonte me të. Me vajzën kishte mardhënie shumë të mira. Nuk pranonte ta linte me nënën e saj sepse kishte dyshimet e tij. I ka paguar shkollën dhe i ka mbuluar shpenzimet ekonomike. Rodolfi ka shprehur më herët se ishte i gatshëm të shiste gjakun për të mbajtur familjen. Unë nuk mendoj të ketë arritur deri aty por nëse vërtet e ka bërë, prokuroria të bëjë detyrën, jo sa parashikon neni, por të varet në litar”, është shprehur ish kryeplaku.
Ka qenë “BalkanWeb” që ka bërë zbardhjen e audios së regjistruar nga vajza, ku i ati dëgjohet që i kërkon të kryejnë marrëdhënie seksuale sepse nuk i kontrollon dot ndjenjat. Ai vazhdonte duke thënë se askush nuk do ta marrë vesh, nëse ndodh gjë (lexo këtu)
.
