Vajzën e tij e njohin dhe e pëlqejnë të gjithë duke qenë një figurë e njohur televizive. Por askush nuk e dinte që Arbana Osmani ka gjithashtu një baba të njohur.
Ai quhet Demir Osmani dhe ka qenë drejtor i përgjithshëm i patentave, por ka shkruar edhe një pjesë të mirë të manualeve të drejtimit të automjeteve.
Osmani ka shkruar edhe disa libra që lidhen me sinjalistikën rrugore. Si një specialist në këtë fushë, babai i moderatores së njohur, Arbana Osmani ftohet herë pas here për të folur për këto çështje. Herën e fundit që e kemi parë ka qenë i ftuar në një emision në “News 24”, ku ka folur për aksidentet.
Sipas tij, fakti që meshkujt janë më shumë shkaktarë të aksidenteve, lidhet me një tjetër fakt, që 64% e drejtuesve janë meshkuj.
Ai tha gjithashtu se kjo lidhet edhe me energjinë që kanë meshkujt, që është në nivele më të larta sesa e femrave, çka i bën edhe më të prekur nga aksidentet. Osmani e mbyll bisedën me një mesazh të rëndësishëm për të gjithë drejtuesit e automjeteve, që të kenë më tepër vëmendje në drejtimin e automjetit.
