Babagjyshi i Vitit të Ri për këtë vit mban emrin Fedez. Me një Lamborghini dhe me një çantë shpine fëmijësh, reperi dha pako me mijëra euro për 5 njerëz me fat, zgjedhur nga kategoritë më në vështirësi për shkak të pandemisë.
Paratë ju dhanë një motoristi, një burri të pastrehë, një artisti, një kamarieri dhe një vullnetari që punonte me ambulancat.
“Paratë u dhuruan nga ndjekësit e mi në kanalin e Twitch. Ata zgjodhën kategoritë sociale që donim të mbështesnim, ata të cilët po vuajnë më shumë efektet e krizës për shkak të pandemisë së koronavirusit”, tregoi Fedez në Instagram.
“Na u deshën tre orë për të gjetur njerëzit e duhur, por ishte gjë e bukur”, është shprehur reperi.
Ai xhiroi gjithçka dhe e transmetoi në kanalin e tij në Twitch. Pakon e parë me para ai ja dha një kasieri të McDrive, ndërsa të fundit një djali, i cili sapo hapi dhuratën nxitoi për të bërë një selfie me Fedez.
Fedez dhe bashkëshortja e tij, Chiara Ferragni, është përfshirë në projekte të fushës sociale dhe disa ditë më parë morën titullin më të lartë “Amborgino d’oro” për ndihmën që kanë dhënë gjatë valës së parë të Covid-19.
