Jul Deda është një nga aktorët më të dashur të humorit në vendin tonë. Ai shpesh herë poston foto me familjen e tij, kryesisht me fëmijët, por sot Juli ka bërë një postim të veçantë.
Aktori ditën e sotme ka emocionuar ndjekësit e tij me dedikimin që i ka bërë të bijës për ditëlindje në Instagram.
“Me siguri ti nuk e mban mend ditën kur linde, por unë atë datë e kam të skalitur në zemër, të gdhendur në të gjithë qënien time, si momentin më të bukur të jetës sonë. Reina Mia, u bëfsh 100 vjeç, të dua shumë..shumë fare”- shkruan Juli në foton ku duket bashkë me fëmijët e tij.
Por ashtu si çdo herë tjetër komediani nuk kishte si ta mbyllte postimin pa një batutë gazmore duke thënë:” P.s. Kujdes, ai mbrapa kafshon..!” , duke ju referuar të birit i cili ndodhet në sediljen e pasme të makinës dhe ka nxjerrë gjuhën jashtë.
