Avokatja e Johnny Depp, Camille Vasquez sërish po merr një vëmendje të madhe. Së fundmi ajo është cilësuar edhe si “gruaja heroinë” pasi u kujdes për një burrë teksa ndodheshin në fluturim.
Teksa shumë pasagjerë ndodheshin në avionin e “American Airlines”, Camille nxitoi për të ndihmuar një pasagjer të moshuar që u rrëzua dhe goditi kokën.
TMZ shkruan se burri ishte rreth të 70-tave dhe ra në dysheme pasi u rrëzua teksa po kalonte pranë saj dhe truprojës së saj, të cilët ishin ulur të dy në klasin e parë.
Kur stjuardesat bërtitën për ndihmë, Camille dhe truproja e saj u çuan menjëherë nga sediljet e tyre dhe direkt u kujdesën për të moshuarin.
Pasagjerët thanë se Camille mbërriti menjëherë aty për të parë nëse burri kishte pësuar ndonjë atak në zemër.
Truproja e Camille gjithashtu dha ndihmën e tij. Ai menjëherë hoqi orën Apple për të dëgjuar rrahjet e zemrës së pasagjerit.
Mirëpo, fatmirësisht aty ndodhej një kirurg.
Menjëherë, mjeku pa ngjarjen dhe dha ndihmën e parë.
Një nga stjuardesat i tha avokates Camille Vasquez se ajo është një “grua heroinë” dhe i dhuroi asaj 2 shishe verë dhe shampanjë.
Mirëpo, i moshuari u përmend më pas dhe fatmirësisht ishte në gjendje të stabilizuar shëndetësore.
