Avokati Saimir Vishaj kërkon të ndryshojë Kodi Penal në lidhje me dënimin e shpërndarësve të kanabisit në sasi të vogla.
Shpërndarja e lëndëve narkotike në doza të vogla është kthyer në një fenomen të zakonshëm në çdo lagje të kryeqytetit dhe jo vetëm.
Në disa zona ka një organizim të ndarë mes grupeve, ndërsa disa të tjera droga shpërndahet nga individë të pavarur.
Shumë prej shpërndarësve janë arrestuar dhe kanë përfunduar në gjykatë, por për avokatët thonë se ligjet kanë mangësi ndaj duhet të shtohen dispozitat që i përgjigjen më mirë kësaj kategorie krimesh duke individualizuar përgjegjësinë sipas fajit.
Duke folur për Ora news, Saimir Vishaj tha se:
“Në asnjë vend të botës nuk ka kaq pak dispozita në kodin penal ku nuk përcaktohet sasia dhe lloji. Nëse bëhet fjalë për kanabis sativa që është nga drogat më të lehta nuk e kanë ndarë se cili është porcioni që një përdorues mund ta mbajë me vete”.
Avokati, Saimir Vishaj, ndër të tjera thotë se një formë dënimi për shpërndarësit me doza të vogla droge, mund të ishte dhe gjoba, apo heqje lirie deri në 6 muaj.
“Kemi shumë me doza të vogla me droga të forta si kokainë dhe heroinë. Me një gram mund të dënohesh me një gjobë, 6 muaj apo 1 vit burgim por jo të fillosh me 5 vjet burg”, tha Vishaj.
