Avokati i Justin Baldonit, Bryan Freedman, ka akuzuar Blake Lively-n për manipulim të sistemit ligjor, pasi ajo kërkoi rrëzimin e kundërpadisë së Baldonit — një padi prej 400 milionë dollarësh për shpifje dhe zhvatje, drejtuar edhe bashkëshortit të saj, Ryan Reynolds, dhe publicistes Leslie Sloane.
Lively e akuzoi Baldonin për ngacmim seksual në dhjetor, ndërsa ekipi i saj ligjor pretendon se kundërpadia është një hakmarrje dhe bie ndesh me ligjin e Kalifornisë që mbron viktimat e ngacmimit. Nga ana tjetër, Baldoni e akuzon çiftin Lively-Reynolds për përdorimin e ndikimit të tyre në kontrollin e prodhimit të filmit “It Ends with Us”.
Aktualisht, gjykata po shqyrton kërkesën e Lively për të mbajtur konfidenciale disa prova, ndërsa Baldoni kërkon që ato të bëhen publike. Në mes të këtij konflikti ligjor, të dyja palët pretendojnë se kanë marrë kërcënime dhe abuzime në internet.
