Prej disa vitesh Aurela Hoxha operon në tregun shqiptar me firmën e saj të rrobave të banjës “Aurela Hoxha Swim”.
Mesa duket synimi i saj nuk është vetëm tregu vendas, por edhe ai i huaj.
Aurela kishte paralajmëruar një sfilatë në Barcelonë ku ndodhej prej disa ditësh për të prezantuar linjën e saj të bikinive.
Ditën e djeshme fashionista shqiptare ka realizuar sfilatën e parë në Barcelonë ku morën pjesë disa prej miqve dhe familjarëve të saj, mes tyre modelja Dorina Gegici e cila ishte modelja kryesore e sfilatës.
Linja e prezantuar ishte një kthim pas në vitet ’90 dhe me siguri kjo do të jetë tendenca e rrobave të banjës këtë sezon.
Hoxha tregoi pjesë nga sfilata e zhvilluar në Instagram ku falenderoi të gjithë ata që e mbështetën dhe ishin të pranishëm.
