Prej disa kohësh në media është aluduar për një prishje të miqësisë mes Aurela Hoxhës dhe fotografit Endrit Mërtiri. Prej një kohe të gjatë dy miqtë nuk janë parë më në shoqërinë e njëri-tjetrit, madje me rastin e ditëlindjes së Endritit mungoi urimi i përvitshëm në rrjetet sociale i Aurelës. Nga ana tjetë as në setin që Endrit Mërtiri realizoi për “Dolce & Gabanna” nuk ishte mikja e tij e zemrës.
E ftuar në “Thumb” Aurela ka reaguar për herë të parë në lidhje me thashethemet që po qarkullojnë në lidhje me miqësinë e saj me Endritin. Ajo tha se nuk është “divorcuar” me Endritin, pasi nuk ka divorc në familje, duke qenë se ajo e ka konsideruar gjithmonë si vëlla.
“Nuk mund të jem në çdo set të Dolce & Gabanna. Ka qenë një pjesë e bukur e karrierës kur unë jam zgjedhur për D&G dhe tani do doja që ta shijonin edhe modelet e tjera.Unë nuk e kam braktisur Endrin, as Endri mua sepse mbi të gjitha jemi një familje. Thjesht jemi duke punuar të dy madje jam shumë e lumtur që Endri ka punë edhe ai është për mua. Unë jam në Spanjë duke punuar për një projekt që e dua dhe kjo nuk do të thotë se nuk do të punojë sërish me Endrin e nuk do të jemi sërish bashkë. Ju keni vendosur që unë e Endriti jemi divorcuar nga familja përfundmisht, por nuk ka divorc në familje! Shpresoj që në Kanë të jem më shumë se herët e tjera dhe uroj që Endriti të jetë afër meje duke më shoqëruar si gjithmonë”,-ka rrëfyer Aurela Hoxha.
