Ditën e sotme e ftuara speciale në emisioni “Pushime on top” ishte këngëtarja e njohur Aurela Gaçe.
Në një intervistë të gjatë dhe pa komplekse artistja zbuloi detaje nga jeta e saj profesionale dhe ajo personale.
Aurela tregoi se bashkëshorti i saj, Skerdi është mbështetja më e madhe për të dhe si menaxher i saj kujdeset që cdo gjë të jetë në rregull.
Përpos Skerdit, Aurela u ndal të tregonte edhe për vajzat e saj dhe ajo na preku të gjithëve me një histori të Graces.
“Vajza ime e madhe që tani e ndjen peshën e emrit tim, pasi njerëzit që tani i kërkojnë të jetë si unë. Një herë më tha diçka që më preku:
“Njerëzit më kërkojnë që unë të këndoj si ty”. Unë u preka shumë”, rrëfeu Aurela.
Më pas ajo shtoi se nuk do të ndërhyjë në jetën e vajzave dhe nuk do insistojë që t’i bëjë këngëtare, por do i lëri të lira të provojnë ëndrrat e tyre.
