Aurela Gaçe ka nisur menjëherë përgatitjet për të risjellë në formë trupin, vetëm dy muaj e gjysmë pas lindjes.
E vendosur për të ndërtuar muskujt e barkut, këngëtarja nga Vlora nuk mund të gjente trajnere fitness-i më të mirë se sa Soni Malaj, e cila njihet për linjat e saj perfekte.
Aurela ka publikuar një video në Instagram, ku shihet teksa përpiqet të bëjë ushtrime për barkun nën direktivat e Sonit. Edhe pse duket e vështirë, Aurela thotë se nuk e njeh fjalën “nuk mundem”, dhe se pavarësisht vështirësive ajo ia ka dalë të bëjë ushtrime të tilla.
“Ndihmëëëëë, po më masakron Soni Malaj më ka gjetur më të vogël.( ju e dini që unë dua vetë ë) Vetëm zonjat që kanë bërë operacion prerje-cezariane, e dinë shumë mirë çfarë vështirësie është të ri ndërtosh shtresat e brendshme të barkut, por nuk ka “nuk mundem” për mua. Para dy javësh as nuk i afrohesha dot këtij ushtrimi”, shkruan Aurela.
