Me rastin e festës së 8 Marsit të gjithë kanë nxituar të urojnë nënat e tyre të dashura. Një ndër to është edhe këngëtarja Aurela Gaçe, e cila iu ka bërë një dedikim shumë emocional dy gjysheve të saj, që në vetvete përfaqësojnë jetën e të gjitha gjysheve shqiptare.
Aurela ka kujtuar gjithë vuajtjet e gjysheve shqiptare dhe forcën e tyre të madhe që ka sfiduar çdo vështirësi.
“Dy gjyshet e mija. Dy figura të dhembshura, të buta e të urta e njëkohësisht aq të forta në dhimbje e sakrifica. Jam e bindur se kështu janë të gjitha gjyshet tona, figura që në na ëmbëlson shpirtin sa herë e shohim, që na mbush sytë me lot sa herë na merr malli e dot së shohim më….këto janë figurat heroike të familjeve tona. Këto kanë rritur prindërit tanë në kushte mizore…E prapë me dorën e ngrohtë na kanë dhuruar aq shumë përkëdhelje ne nipërve e mbesave.. ..modelet me të cilat u rritën ata prindërit tanë të mirë.
Gëzuar festën gra, motra, nëna, gjyshe…Ne jemi tigreshat me zemërbutë e të gjerë sa deti, që dimë të falim aq shumë dashuri, që dimë të luftojmë për veten e familjen me forcën e një mali”, shkruan Aurela krahas fotos ku shfaqen dy gjyshet e saj.
