Jamie Lynn Spears e ka të qartë se nuk ka në plan të ndalojë së foluri për motrën e saj Britney Spears pavaresisht grindjeve të tyre publike.
Sot, u zbulua se Jamie Lynn do të shfaqet në podkastin e Alex Cooper-it Call Her Daddy për një episod dypjesësh që do të debutojë në mesnatën e sotme. Përpara publikimit,stafi i “PEOPLE” morën një pamje paraprake në të cilën Spears flet për ndarjen e motrës së saj nga Justin Timberlake dhe se si ajo, një adoleshente e hershme në atë kohë, u ndje kur gjithçka shkoi në ‘dreq’.
“Unë mendoj se të gjithë menduan se ishte përgjithmonë. Unë isha shumë e trishtuar, fillimisht sepse motra ime ishte shumë e trishtuar, por gjithashtu ishte hera e parë që pashë [që] ndoshta nuk dija gjithçka për marrëdhënien,” tha. Jamie Lynn.
Britney dhe Justin ishin bashkë tre vjet përpara se të ndaheshin përfundimisht në vitin 2002. Pas ndarjes së tyre, Justin publikoi videoklipin për “Cry Me a River”, një këngë për një të dashurën e tij. Për vite me radhë, Justin mohoi që hiti i tij i vitit 2002 të ishte shkruar për Britney-n.
“Mendova se sa zemërthyese duhet të ketë qenë për motrën time kur doli ‘Cry Me a River’,” vazhdoi Jamie Lynn në podcast.
Britney do të publikonte këngën “Everytime” në vitin 2003, por kurrë nuk e ka thënë publikisht se kënga ishte për Timberlake. Bashkë-shkruesi i këngës Annet Artani, megjithatë, tha se ishte përgjigja e Britney për këngën e Justin.
Jamie Lynn duket se e konfirmon këtë.
