Mesditën e kësaj të mërkure u ekzekutua në Shkodër 31-vjeçari Fatos Ferracaku, kushëri me viktimën e 1 shtatorit, Arjan Ferracaku, i cili u vra teksa po kalëronte.
Arjan Ferracaku, pronar i dy bizneseve në Velipojë dhe baba i dy fëmijëve u gjet i vrarë në periferi të qytetit të Shkodrës, ku zakonisht janë gjetur makina të përdorura për krime dhe të djegura. Ndërsa, Ferracaku ishte tregtar peshku në markatë.
Fillimisht një makinë e braktisur ngjalli dyshimet e policisë së Shkodrës dhe pas saj u zbulua dhe viktima. Sipas ekspertizës paraprake, 31-vjeçari ishte vrarë gjatë natës.
Ndërsa sot Fatos Ferracaku ishte duke pirë kafe në një lokal në zonën e Markatës në lagjen “Rus”, bashkë me mikun e tij Fatmir Mehaj, kur u qëllua nga persona me maska dhe me motor. Ai ndërroi jetë në spital për shkak të plagëve të marra, ndërsa miku i tij është jashtë rrezikut për jetën.
Burimi: BalkanWeb
