Mbi një banesë në Kamëz është qëlluar me breshëri automatiku rreth orës 20.00. “Ballkanweb” raporton se i plagosur nga sulmi, ka mbetur shtetasi Elez Bodisha, 50 vjeç, i cili është dërguar me urgjencë në spital. Fatmirësisht, 50-vjeçarit i është dhënë ndihma e menjëhershme dhe ndodhet jashtë rrezikut për jetën.
Sipas informacioneve paraprake mësohet se persona të paidentifikuar kanë qëlluar mbi banesën e Bodishës dhe një ambjent që ai e përdor si bar, duke zbrazur 20 plumba. Dyshohet se shkaku i kësaj ngjarje të rëndë është hasmëria, pasi vëllai i shtetasit Elez Bodisha ka vrarë dy persona në aksin Kalimash Kukës kohë më parë.
Policia ka nisur hetimet për zbardhjen e plotë të ngjarjes, si dhe janë ngritur pika kontrolli në akset rrugore dhe hyrje- daljet e kryeqytetit.
