Në një intervistë për “Corriere della Sera”, futbollisti shqiptar Kristjan Asllani ka vlerësuar në maksimum tifozët shqiptarë: “Janë të çmendur, si të mos japësh maksimumin për ata në fushë”. Për mesfushorin, dueli mes Shqipërisë dhe Italisë është një “derbi” i vërtetë. Po ashtu, ai ka treguar edhe më shumë për familjen e tij.
Pyetje-Keni mbërritur në krahinën e Butit në Piza kur ishit vetëm dy vjeç. Ndeshja Shqipëri-Itali nuk është si të tjerat.
Asllani: Do të thosha një gënjeshtër nëse do të përgjigjesha pozitivisht. Më vjen keq se jemi në një grup të hekurt, por duam që të bëjmë mirë dhe të hapim një cikël, i cili mund të na dërgojë në Botëror.
Pyetje-Kur kthehesh në Buti, a ia del që të bësh një jetë normale?
Asllani: Nuk kam ndryshuar shumë, kur kthehem në atë qytezë bëj pak a shumë gjithçka që bëja edhe më parë. Jam shumë i lidhur me zonën ku kam shumë shokë të moshave të ndryshme.
Pyetje-A bën mirë Italia që i frikësohet vrullit të Shqipërisë?
Asllani: Silvinjo solli në grup shumë besim dhe shumë entuziazëm.
Pyetje-E mban mend ku ishe kur fitoi Italia, Europianin?
Asllani: Në sheh, duke festuar me shokët e mi!
Pyetje-Ku mendon se je më shumë “shqiptar”?
Asllani: Gjaku im është shqiptar, në shtëpi flasim shqip. Ruaj kontakte me gjyshërit në Shqipëri ku kam rrënjët.
Pyetje-A shkon në Elbasan?
Asllani: Po sa herë luaj me Shqipërinë. Pasditet kur kam pushim shkoj të takoj gjyshërit.
Pyetje-Prindërit a të kanë thënë si jetonin në Shqipëri?
Asllani: Gjithmonë. Babai më ka thënë se ka ardhur në Itali me gomone dhe më ka treguar se sa e vështirë ka qenë jeta për ata. Mamaja më solli në jetë që në moshën 18-vjeçare. Unë dhe vëllai im Leonard nuk kemi fjalë që t’i falenderojmë për sakrificat e bëra. Mundohem që të bëj diçka.
Pyetje- Në ç’mënyrë?
Asllani: I kam marrë të gjithë më vetë në Milano. Në moshën 21-vjeçare do të ishte mjaft e vështirë që të jetoja vetëm. Mamaja ime jetonte në një fabrikë ëmbëlsirash, ndërsa babi në ujësjellës. Tani jeta e tyre ka ndryshuar.
