“A star is born” është filmi më i ri, ku këngëtarja Lady Gaga sfidon veten si aktore, teksa luan përkrah Bradley Cooper.
Ajo ka mbërritur në Venecia disa ditë më parë, për të marrë pjesë në festivalin e filmit, krahas yjeve të kinematografisë.
Por Lady Gaga e di shumë mirë rëndësinë që ka tapeti i kuq, ndaj i mahniti të gjithë, sapo u shfaq përpara fotografëve.
Këngëtarja e hitit “Pokerface” dukej si një kukull barbi, e veshur me një fustan princeshash në ngjyrë rozë.
Lady Gaga kishte zgjedhur një make up minimalist dhe të pastër. Dhe kavalieri në këtë mbrëmje të veçantë ishte aktori Bradley Cooper, i cili i dhuroi me shumë kënaqësi të gjithë vëmendjen, koleges së tij.
Ndërsa partnerja e aktorit, Irina Shayk shoqërohej në tapetin e kuq nga stilistja Donatella Versace.
