Katër vite më parë, reperi Big Basta dhe këngëtarja Vesa Luma kurorëzuan me martesë dashurinë e tyre.
Vesa solli në jetë vogëlushin Liam, i cili na ka rrëmbyer zemrën të gjithëve me ëmbëlsinë e tij.
Disa ditë më parë, Vesa u nis drejt Zelandës së Re, ku aktualisht jeton dhe punon bashkëshorti i saj, për të festuar gjithashtu edhe 4-vjetorin e martesës së tyre.
Sot, këngëtarja ka ndarë në Instagram momentet më të bukura nga dita e dasmës së tyre, duke shkruar edhe një dedikim special për partnerin.
“Gëzuar përvjetorin! Deri sot e deshmuam qe asgje ne kete bote sna ndan, as kilometrat, as mundi e sakrificat .. Sepse cdo gje eshte e mundur kur Do me gjithe zemer ?. Krenare per cdo gje qe ndertuam, e me se shumti per frytin e kesaj dashurie #Liani Te dua shume my forever 24.”- janë fjalët e Vesës në postim.
View this post on Instagram
Prej disa kohësh, këngëtarja nuk ka sjellë projekte të reja muzikore për shkak të mungesës së frymëzimit. Më herët ajo rrëfeu se ndryshimet e shumta gjatë kësaj kohe e kanë penguar t’i përkushtohet muzikës.
Vesa po pret momentin e duhur për t’u shpërngulur përfundimisht pranë Big Bastës në Zelandën e re, së bashku me të voglin e tyre.
