Në 19 shkurt Kim Kardashian bëri kërkesë për divorc nga Kanye West në gjykatë, duke i dhënë fund martesës së tyre prej një dekade. Ndërkohë që në media janë përfolur arsye të ndrysme për divorcin si tradhti apo konsumim i marrëdhënies, letrat e divorcit kanë zbuluar të vërtetën.
Mësohet se dyshja nuk flet më pas divorcit të tyre, pasi reperi ka ndryshuar edhe numrin e tij të telefonit dhe i tha asaj se mund të kontaktojë vetëm përmes sigurimit të tij.
Një burim ekskluzivisht për “Page Six” tha se Kanye, u shkëput nga Kim, madje edhe para se të bënin kërkesë për divorc”.
Burimi shtoi se dyshja akoma bashkë-prindërojnë, dhe Kanye i viziton fëmijët në shtëpi, por kur Kim nuk ndodhet aty.
“Edhe para se Kim të paraqiste kërkesën për divorc, Kanye ndryshoi numrat e tij dhe tha, ‘Ju mund të kontaktoni me mua përmes sigurimit tim. Ajo largohet nga shtëpia dhe Kanye shkon rri me fëmijët.”, u shpreh burimi.
Por, ndërkohë që Kanye e përjeton keq divorcin, Kim-it duket se s’ia ndjen fare! Ajo po kalon kohë me shoqërinë dhe fëmijët e saj, teksa me këta të fundit ka organizuar edhe një “pizza-party” në shtëpi, duke ndarë edhe pamjet në rrjete sociale.
View this post on Instagram
Kujtojmë se Kim Kardashian ka cituar në kerkesën e saj për divorc se arsyeja e ndarjes mes tyre janë “diferencat e papajtueshme”. Në letrat e divorcit, të siguruara nga “The Sun” gjithashtu konfirmohet se ajo po kërkon kujdestarinë për 4 fëmijët e saj, North, 7 vjeçe, Saint 5 vjeç, Chicago 3 vjeçe dhe Psalm 1 vjeç.
