Eliona Pitarka ka gati 1 vit që ësht shkëputur nga ekrani. Ajo tashmë është nënë e dy vajzave, dhe kjo është puna që po bën ‘full time’. Por, Eliona ka ditur sesi të gjejë edhe kohë për ndjekësit në rrjetet sociale e të jetë aktive. Së fundmi ajo ka vendosur t’i përgjigjet pyetjeve të tyre.
‘Në cfarë lloj formati do kishit dëshirë të më shikonit?’-ishte pyetja që Eliona i bëri ndjekësve të saj.
Të shumta ishin përgjigjet, e mes tyre kishte shumëllojshmëri programesh.
Një prej tyre përmendi edhe ‘Big Brother VIP’, por Eliona tha se kjo nuk mund të bëhet pasi ka fëmijë të vegjël e se nuk mund të shkëputet për kaq shumë gjatë larg tyre.
‘Jo, tashmë që kam dy fëmijë nuk bëhet fjalë…nuk rri dot as gjysmë dite pa to’
E në fund, Eliona tregoi se përgjigja që iu dha më së shumti ishte për një emision që ka lidhje me fëmijët dhe mamat. Ajo pranoi se në këtë periudhë, ky është formati që i shkon më së shumti përshtat.
