Teksa lajmet ndaj Kanye West “gëlojnë” nga njëra anë, reperi duket se po shijon një romancë të re nga ana tjetër.
Së fundmi kanë bërë xhiron e rrjetit disa foto që tregojnë stilistin e “Yeezy” duke dalë nga një automjet luksoz me një grua misterioze përpara se të hyjnë në një depo veshjesh.
E veshur me një fustan të shkurtër gri dhe çizme, shoqëruesja e West u shfaq e afërt me reperin. Çuditërisht, në këtë dalje Kanye kishte zgjedhur një xhaketë Adidas pavarësisht se kompania kohët e fundit e vendosi partneritetin e tyre “nën shqyrtim”.
Dyshja mbanin gjithashtu kapele të zeza të stilit të bejsbollit që kishin të shkruar “2024”, duke sinjalizuar se West planifikon të kandidojë përsëri për president.
Thuhet se përpara vizitës në magazinë, West dhe partnerja e tij e re e mundshme darkuan në pikën e famshme Giorgio Baldi në Santa Monica, Kaliforni.
Dalja e West vjen pasi miqtë e tij u shprehën se janë të bindur se fituesi i Grammy-t, 45 vjeç, po përjeton probleme mendore.
Burimet thanë se West mezi po fle, gjë që ishte një çështje që thuhet se kontribuoi në shtrimin e tij në spital në 2016.
Burimet shtuan se sjellja e çuditshme e Ye filloi kur ai pushoi nga puna publicistin për shfaqjen e tij në Javën e Modës në Paris, duke e shtyrë atë ta ripunonte plotësisht atë dhe të krijonte me nxitim një shfaqje të re me temën tashmë famëkeqe “White Lives Matter”.
West u shtrua në spital për shkak të problemeve të shëndetit mendor në vitin 2016 dhe në vitin 2019. Ai më parë ka treguar se vuan nga çrregullimi bipolar.
