Kush do ta prezantojë “Big Brother VIP”?
Kjo ka qënë një ndër pyetjet më të shpeshta në media në javët e fundit, pasi produksioni ka vendosur ta mbajë surprizë duke mos zbuluar asnjë detaj. Fillimisht u dyshua se do të ishte Arbana, por jo! Pastaj Ledioni, por edhe ky lajm u hodh poshtë sepse është vetëm autor. Më pas u përfol për Luanën, por ajo nisi emisionin e saj.
Dojna Mema ishte e katërta në listë që u përfol për një prezantim të mundshëm, pasi shprehu edhe dëshirën në “Instagram”.
Mirëpo “Panorama Plus” ka mësuar se moderimi i spektaklit “Big Brother VIP” i është besuar Oriela Nebiajt, e cila është aktualisht prezantuese në “Wake Up”. Moderatorja përmbylli me sukses edhe emisionin “Pushime on Top”, gjatë sezonit veror.
Pritet që Orielën, ta shohim nën petkun e prezantueses së “Big Brother VIP”, në vitin e ardhshëm.
Në spotin e publikuar nga “Top channel” , mësohet se do të shohim si banorë, personazhet e famshëm, emrat e të cilëve mbeten për t’u zbuluar me kalimin e kohës.
