Për të përuruar Operën e Dubati u zgjodh që të ngjitej në skenë artisja shqiptare me famë botërore, Inva Mula. Diva shqiptare mbizotëroi skenën gjigande, ndërsa realizoi një interpretim të shkëlqyer përkrah maestros, Placido Domingo.
Ajo u paraqit mbrëmjen e 31 gushtit në koncertin, i cili është mbajtur në Abu Dhabi, me rastin e kësaj ngjarjeje madhështore të shumëpritur.
Mula, tashmë me banim në Dubai, performoi si artiste mysafire në bashkëpunim me Placido Domingon dhe Ana Maria Martinez me orkestrën Teatrit “Giuseppe Verdi” në Trieste të kryesuar nga Eugene Kohn.
Ishtye sorpranoja shqiptare ajo që publikoi një foto në profilin e saj në rrjetet sociale të shkëputur nga koncerti madhështor, ndërsa falënderoi maestron Domingo për kënaqësinë e ofruar në skenë.
Godina e Operës së Dubait ndodhet në kullën më të lartë në botë, Burj Khalifa dhe është një vepër e arkitekte së njohur Zaha Hadid, së bashku me Patrick Schumacher. Ajo ka pamjen e një varke prej druri që përdoret për transportin detar tradicional, si dhe një kapacitet për dy mijë njerëz që mund të përdoret si teatër, sallë koncertesh apo edhe hapësirë për ngjarje të tjera. “Opera e Dubait është një destinacion definitive ndërkombëtar për artet performuese dhe prodhimet e klasit botëror argëtues”, shkruhet në faqen e tyre zyrtare.
