Një lajm i hidhur ka ardhur për botën e muzikës pasi këngëtari i njohur shqiptar, Ylber Aliu ka ndërruar jetë në moshën 33-vjeçare. Këtë gjë e kanë bërë të ditur figura të njohura të ekranit përmes postimeve të tyre në rrjetet sociale.
Mësohet se artisti vuante prej kohësh nga një sëmundje, por nuk ia ka dalë dot që të fitonte këtë betejë të vështirë.
Disa nga personazhet që kanë shprehur publikisht ngushëllimet për familjen e 33-vjeçarit janë artistët e njohur Gold Ag dhe Adem Ramadani.
“Allahu të mëshiroftë o vlla Ylber, do t’na mungosh gjithmonë deri sa një ditë të takohemi në Xhenet me lejen e Krijuesit Mëshirplotë”, ka shkruar Gold Ag.
View this post on Instagram
“Të Allahut jemi dhe tek Ai të gjithë do të kthehemi
Si fëmi shumë jemi dashtë.
E sa herë kemi qenë bashkë, në shumë simpoziume, koncerte, emisione dhe pothuajse shumë të rralla janë projektet e mia ku ti nuk ke marr pjesë. Ti ke qenë një talent i rrallë, artist i madh dhe besimtar i vërtetë.
E duke qajt dert për sëmundjen tënde e kujtoj fjalën ku shpesh ma thoje – “ Allahu më ka dhënë shumë sabër “ Do t’më mungosh shumë Ylber. Lus Allahun e Madh që bashkë të jemi në Xhenetet e Tij të larta, atje ku më nuk ka sëmundje, nuk ka lot, as dhimbje e as vdekje. Ngushllimet më të përzemërta Familjes Aliu, ngushllime gjithë shqiptarëve”, është shprehur mes dhimbjes Adem Ramadani.
View this post on Instagram
