Femrat në përgjithësi kanë tendencën që të tërhiqen më shumë nga meshkujt që janë të “zënë”. Kjo ndodh ndoshta nga fakti që ata konsiderohen një “frut” i paarritshëm dhe në këtë rast kurioziteti është edhe më i madh.
Në të vërtetë ka disa arsye se përse ndodh kjo tendencë e femrave.
Tërheqja fatale- Si fillim duhet të kuptojmë se mekanizmat që nxisin tërheqjen midis një burri dhe një gruaje janë të panjohura dhe ndonjëherë të pandërgjegjshme. Është e vërtetë se me forcën e logjikës dhe racionalitetit ne mund të drejtojmë zgjedhjet tona. Por ndodh që ndonjëherë ka edhe gjëra të papritura, apo kur biem në dashuri atëherë kur nuk e mendojmë. Kur kjo ndodh ne nuk pyesim në qoftë se ai është i fejuar, në një lidhje apo i martuar.
Por ai është i një tjetre- Ne jemi të ndërgjegjshme se ai është i një tjetre, por kjo e bën më tërheqëse situatën. Kjo bëhet edhe më intriguese dhe ai kthehet në një potencial absolutisht të papërmbajtshëm. Madje kur je në gjendje “të vjedhësh” të dashurin e dikujt tjetër kthehet në një kënaqësi sepse kështu plotëson kënaqësinë e brendshme. Kënaqësia e të ndjerit “më e mira”, e cila ka arritur të fitojë vëmendjen e një mashkulli që është i zënë të krijon një ndjenjë pushteti.
Frut i ndaluar- Të zotërosh një djalë i cili është i një tjetre, përfshin një ndjenjë emocionuese, por edhe të rrezikshme. Adrenalina se do të zbuloheni, nevoja për t’u takuar fshehurazi, ndjenja e thyerjes së një kufiri apo ndalimi ndihmojnë që marrëdhënia të bëhet më emocionuese.
Lidhje serioze? Jo, faleminderit– Fakti i fillimit të një marrëdhënie me një person të angazhuar në një lidhje tjetër, mund të ofrojë një zgjidhje për gratë të cilat nuk duan një lidhje të qëndrueshme, impenjative me një partner. Si rrjedhojë nuk mund të ketë zhgënjime sentimentale, dhe nuk duhet të marrë vendime të rëndësishme.
Dëshira për siguri– Ky aspekt në fakt flet për anën tjetër të monedhës në krahasim me ato më sipër. Një njeri i cili është tashmë në një lidhje apo i martuar ose fejuar i ka dhënë provat se mund të jetë i besueshëm dhe i gatshëm që ti shkojë gjërave deri në fund. Ai ka më shumë përvojë dhe është më i mirë emocionalisht se një burrë “single”. Kjo është diçka e mirë për femrat që kanë nevojë për siguri dhe mbështetje.
