A keni qenë ndonjëherë në metro dhe papritmas një nga AirPods tuaj “vdes“? Është padyshim një nga gjërat më zhgënjyese kur njërit prej AirPods tuaj i mbaron bateria para tjetrit – veçanërisht kur i bashkoni.
Ky “aksident” ndodh mjaft shpesh, dhe përdoruesit nuk e kuptojnë se përse po ndodh.
Pse një AirPod “vdes” më shpejt se tjetri?
Arsyeja më e zakonshme pas gjendjes së pabarabartë të baterisë mund të jetë për shkak të problemeve të kontaktit brenda kutisë së karikimit.
Kur vendosni AirPods, është e mundur që dikush të mos ketë kontakt të plotë me kunjat e karikimit, ndaj edhe ndodh që një prej tyre të mos funksionojë.
Kjo do të thotë që bateria AirPods zbrazet ngadalë në vend që të karikohet.
Megjithatë, ka një zgjidhje të lehtë për këtë. Duke përdorur një shtupë pambuku, thjesht pastroni pjesën e brendshme të kutisë rreth kunjave metalike – edhe nëse nuk ka papastërti të dukshme. Patjetër që do të ndihmojë pasi pajisja do të bëjë kontakt më të mirë.
